Ливадски Мед

Виталиа ливадскиот мед потекнува од недопрените ливадски предели во Крушево, Македонија. Има извонреден вкус и арома. Ливадскиот мед може да се најде во повеќе бои: од светло жолта до темна, речиси кафеава.

Колку што е медот потемен, посилни му се лековитите својства. Има арома на полско цвеќе и се користи при лекување различни болести зашто има профилактички, хранливи и лековити својства. Поради богатството и складниот сооднос на витамини, минерали и ензими што ги содржи медот, со неговата секојдневна употреба го зајакнувате срцето, имунолошкиот систем и крвотокот.

Kако дејствува на организмот?

Медот на Виталиа дејствува антибактериски, го олеснува исфрлувањето на секретот од белите дробови и ги обновува оштетените клетки на организмот. Исто така, ја намалува болката и го нормализира крвниот притисок. Медот содржи супстанции што го подобруваат варењето на храната и го спречуваат и лекуваат запекот (тврда столица).

Тој, исто така, го зголемува хемоглобинот, ја зголемува апсорпцијата на калциумот од храната, ги ублажува тегобите во менопаузата и го забрзува закрепнувањето на организмот.

Медот и другите пчелини производи треба да се задржуваат подолго во устата, зашто одтаму, преку јазичните жлезди, брзо навлегуваат во крвта и се шират во целиот организам. Ефектот ќе биде сличен и ако го растворите медот во лимонада, чаша вода или во шоља чај.